Trump yana bukatar fahimtar hakikanin duniya- Cewar Ministan Harkokin Wajen Iran

Trump yana bukatar fahimtar hakikanin duniya-

Cewar Ministan Harkokin Wajen Iran

 

Shafin Pars Today Hausa ya ruwaito cewa; ministan harkokin wajen jamhuriyar musulunci ta Iran, ya kira yi zababben shugaban kasar Amurka Donald Trump da ya yi wa yankin gabas ta tsakiya da duniya kyakkyawan fahimta.

Majiyar diplomasiyyar Iran ta ambato ministan harkokin wajen na Iran yana magana bayan sanar da sabon zababben shugaban kasar ta Amurka Donald Trump da cewa; Iran ba ta tsoma baki a harkokin cikin gidan wasu kasashe, zaben da ya faru, ya shafi Amurkawa ne, sai dai duk wanda ya zama shugaban wannan kasar wajibi ne a gare shi da ya fahimci hakikanin duniya da kuma gabas ta tsakiya.

Muhammad Jawad Zarif ya ci gaba da cewa; Iran ba ta da alakar diplomasiyya da kasar Amurka, sai dai kasantuwar Amurka wacce ta ke cikin yarjejeniyar Nukiliya, wajibi ne ya mutunta yarjejeniyar.